Беларусь - любоў мая

Сотні турыстаў-землякоў прыязджаюць штогод у Савецкую Беларусь. Яны сустракаюцца з роднымі, наведваюць вёскі, што пакінулі даўным-даўно, бываюць на нашых прадпрыемствах, у дзіцячых і навучальных установах. І амаль ніхто не ад'язджае дадому, не падзяліўшыся з намі сваімі ўражаннямі. Штодзень у рэдакцыю прыходзяць пісьмы, у якіх суайчыннікі расказваюць аб сваім жыцці на чужыне, або выказваюць шчырую любоў да Бацькаўшчыны і захапляюцца яе поспехамі. У гэтай брашуры сабраны пісьмы, выказванні, думкі нашых землякоў, якія ўжо былі змешчаны на старонках газеты «Голас Радзімы». Спадзяёмся, што іх з цікавасцю прачытаюць суайчыннікі, да якіх у рукі трапіць гэта кніжка.