Кніга прысвечана даследаванню ўнікальнай з'явы ў традыцыйнай святочна-абрадавай культуры беларусаў - маскіраванню і абрадаваму пераапрананню. На багатым фактычным матэрыяле, запісаным аўтарам у час этнаграфічных экспедыцый, прадстаўлена галерэя беларускіх маскіраваных персанажаў і ўпершыню раскрываецца іх роля і месца ў духоўнасці нацыі. Кніга адрасавана выкладчыкам культуралагічных дысцыплін, студэнтам ВНУ, настаўнікам, а таксама чытачам, якія цікавяцца духоўнай спадчынай беларускага народа.