Закон Рэспублікі Беларусь «Аб выбарах дэпутатаў мясцовых Саветаў дэпутатаў Рэспублікі Беларусь»

Артыкул 1. Асновы выбараў дэпутатаў мясцовых Саветаў дэпутатаў Рэспублікі Беларусь. Выбары дэпутатаў у абласныя, раённыя, гарадскія, раённыя ў гарадах, пасялковыя і сельскія Саветы дэпутатаў Рэспублікі Беларусь праводзяцца па аднамандатных выбарчых акругах на аснове ўсеагульнага, роўнага і прамога выбарчага права пры тайным галасаванні. Артыкул 2. Усеагульнае выбарчае права. Выбары дэпутатаў мясцовых Саветаў дэпутатаў Рэспублікі Беларусь з’яўляюцца ўсеагульнымі: права выбіраць і быць выбранымі маюць грамадзяне Рэспублікі Беларусь, якія дасягнулі 18 гадоў. Якія-небудзь прамыя або ўскосныя абмежаванні выбарчых правоў грамадзян Рэспублікі Беларусь у залежнасці ад паходжання, сацыяльнага і маёмаснага становішча, расавай і нацыянальнай прыналежнасці, полу, адукацыі, мовы, адносін да рэлігіі, часу пражывання ў дадзенай мясцовасці, роду і характару заняткаў забараняюцца. (фрагмент)