Беларускі праваслаўны каландар

Выданне падрыхтавана Брацтвам у гонар Віленскіх мучанікаў Антонія, Іаана і Яўстафія ў Мінску. Прызначана для шырокага карыстання. Настаяцелі храмаў, царкоўнаслужыцелі і прыхаджане знойдуць у ім неабходныя звесткі пра штодзённыя богаслужэнні, тут змешчаны звод імёнаў святых, якія шануюцца Праваслаўнай Царквой. Святым, якія ўваходзяць у Сабор беларускіх святых, прыводзяцца трапары і кандакі на царкоўнаславянскай і беларускай мовах. У дадатку змешчаны нарыс, прысвечаны 220-годдзю заснавання Мінскай епархіі, які адкрыве малавядомыя старонкі храмабудавання ў сталіцы Беларусі. Тэма «Духоўныя матывы ў беларускай літатруры» раскрываецца на прыкладзе лепшых твораў класікаў і сучасных аўтараў. 3 апісаннем і аналізам старажытных мясцовых абрадаў можна пазнаёміцца ў артыкуле «Беларускі абрад «Свяча».