Светапоглядныя асновы дэмакратычнага руху

Няма неабходнасці падрабязна прадстаўляць аўтара гэтай кнігі. Імя Юрыя Хадыкі ў апошні час рэгулярна з’яўляецца на старонках перыядычных выданняў самай рознай палітычнай арыентацыі. Але ў той час, калі адны з іх з прыязнасцю сустракаюць ідэйную пазіцыю і тэарэтычныя разважанні Ю. Хадыкі, для іншых яго погляды — аб’ект злоснай крытыкі і фальсіфікацый. Доктар фізіка-матэматычных навук, прафесар, загадчык лабараторыі інстытута фізікі Акадэміі навук Беларусі, намеснік старшыні Сойму БНФ «Адраджэнне» Юрась Віктаравіч Хадыка — асоба неардынарная і шматзначная ў дэмакратычным руху Беларусі. (Прадмова, фрагмент)