Першая сусветная вайна на Беларусі ў кантэксце сусветных ваенных падзей (грамадскі і ваенны бакі) 1914-1918 гг.

Дадзеная праца адлюстроўвае разнастайнасць раней маладаследаваных праблем, звязаных з падзеямі ў гады Першай сусветнай вайны ў беларускім краі. На аснове архіўных крыніц, замежнай літаратуры, карт, схем, фотаздымкаў упершыню ў айчыннай гістарыяграфіі комплексна разглядаюцца пытанні развязвання вайны, уплыў яе на беларускае грамадства, даследуюцца буйнейшыя ваенныя аперацыі на беларускіх землях у кантэксце сусветных ваенных падзей гэтага часу, аналізуецца дзейнасць партызанскага руху, даецца характарыстыка вайсковым фарміраванням, што насілі беларускія найменні, прыводзяцца біяграфічныя звесткі вядомых дзеячаў Першай сусветнай вайны, якія тым ці іншым чынам паўплывалі на ваенныя падзеі ў Беларусі. Прызначана для выкарыстання навукоўцамі, выкладчыкамі, студэнтамі, вучнямі па курсу «Гісторыя Беларусі», а таксама для тых, хто цікавіцца гісторыяй Бацькаўшчыны