Праўдзівы й добры назоў наш ”Крывічы”. Таксама праўдзівы, ды шмат яшчэ лепшы назоў ”Літва” як наш назоў агульна нацыянальны. Крывічамі мы зваліся прыраўнальна кароткі час, ды, апрача нас самых, звалі нас так адно нашы суседзі - Латышы, Ноўгарадцы, Украінцы, Суздалцы (так зваліся тагачасныя Расійцы), Палякі а Немцы, бо тады Бацькаўшчына наша ня была так шырака ведамая ў сьвеце. Ліцьвінамі мы зваліся паўсяма стагодзьдзя зь вялікім гакам, а ў ладнай сваей часьці народ наш і цяпер так завецца. Пад назовам Вялікае Князства Літоўскае гаспадарства нашае свайго часу было найболыным у Эўропе і шырака ведамым у сьвеце. Мілёны дакумэнтаў сваіх і чужых завуць нас Літвою. (”Крывічы” а ”Вялікалітва”, фрагмент)