"Песенны фальклор Палесся" у трох тамах — вынік шматгадовай даследчай працы, першы сістэматызаваны збор беларускай народнай песні, у якім захаваны дыялектныя асаблівасці паўднёва-заходніх гаворак Беларусі. Гэта унікальная песенная спадчына публікуецца ўпершыню. У ёй зафіксаваны і занатаваны ўзоры ўсіх тыпаў народнага шматгалосся, багацце і разнастайнась мелодыкі, ладаўтварэння і рытмікі. Матэрыялы маюць выключную мастацкую, навуковую і практычную значнасць. У першы том увайшлі веснавыя, летнія, восеньскія і зімовыя песні, а таксама геаграфічны паказальнік і дыялектны слоўнік.