![]() |
![]() |
Паэт, перакладчык, крытык і гісторык літаратуры
Антон Луцкевіч пра Максіма Багдановіча:
“Як у летні гарачы дзень у крыштальна чыстай вадзе асвяжаецца нашае цела, так асвяжае душу паэзія Максіма Багдановіча”. (21.02. 1914)
Дзіцё, што ў коласе зярно.
Ах, колькі ёсць красы цудоўнай поруч з намі,
Калі глядзець вакол дзіцячымі вачамі!
Рупная пчала ўмее ў соты мёд сабраць і з горкіх кветак.
Проці цячэньня вады
Зможа толькі жывое паплыць,
Хвалі ж ракі заўсягды
Тое цягнуць, што скончыла жыць.
У родным краю ёсць крыніца
Жывой вады.
Трэба журыцца душою на свежых магілах пуста пранёсшыхся дзён.
Не хіліцца з бяды, не пужацца агня,
Бо мы толькі тады дачакаемся дня,
Калі нас не здалее змаганне злякаць.
Бачанаму мной – я годны веры сведак.
Ўсё знікае, праходзіць, як дым,
Светлы ж след будзе вечна жывым.
Хай чарада гадзін панурых, нудных, шэрых,
Як попел, на душу мне клалася ўвесь час,
Хаваючы агонь грачай веры, -
Хай не відаць яго… а ўсё ж ткі ён не згас!
Мудры і кіпучы верш …- як дар прыроды,
Вінаграднае, густое, цёмнае віно:
Дні ідуць, праходзяць годы,-
Але ўсё крапчэй, хмяльнее робіцца яно.
Трэба з сталі каваць, гартаваць гібкі верш,
Абрабіць яго трэба з цярпеннем.
Як ударыш ты ім, - ён, як звон, зазвініць,
Брызнуць іскры з халодных каменняў.
Жыві і цэльнасці шукай,
Аб шыраце духоўнай дбай.
І ў напружэнні паўнаты
Свайго шырокага жыцця
Без болю, ціха зойдзеш ты
Ў краіну забыцця.
Зварушаны, нарэшце дух народны … бясплодна не засне.
Калісь глядзеў на сонца я,
Мне сонца асляпіла вочы.
Ды што мне цемень вечнай ночы.
Калісь глядзеў на сонца я.
Ёсць чары ў забытым, старадаўным;
Прыемна нам сталеццяў пыл страхнуць
I жыць мінулым — гэткім мудрым, слаўным.
Няма таго, што раньш было.
Мудрай прамовы мёд залацісты.
Долю чорную ноч не схавае, Калі выльецца песня жывая!
Хто мы такія?
Толькі падарожныя, - папутнікі сярод нябёс.
Нашто ж на зямлі
Сваркі і звадкі, боль і горыч,
Калі ўсе мы разам ляцім
Да зор?
Дай Бог арла варонай не назваць;
Варону жа арлом – нічога.
Красна бяседа не узорамі,
А ласкавымі прыгаворамі;
Не ядвабнымі абрусамі,
А ласкавымі прымусамі.
Дай на свеце сумным радасна пражыць.
Маладое жыццё праляціць, прабяжыць,-
Не забудзься вясёлых калёраў зажыць.
Ўсё праходзе – і радасць, і мукі.
Чалавечай душы няхораша мацаць рукамі. Далікатныя людзі самі ведаюць гэта, а недалікатным аб гэтым напамінаюць.
Пад зімовай беласнежнай маскай
Бачу я чароўны твар вясны…
Баронячы наш народ, мы павінны бараніць і нашу культуру. І што б там не было, а гмах яе, калісьці распачаты, павінен быць збудованы да канца.
Бійце ў сэрцы іх – бійце мячамі,
Не давайце чужынцамі быць!
Хай пачуюць, як сэрца начамі
Аб радзімай старонцы баліць…
Няма красы без спажытку, бо сама краса і ёсць той спажытак душы.
Добра быць коласам; але шчаслівы той, каму дадзена быць васільком. Бо нашто каласы, калі няма васількоў?
Усё, што цяпер навіною завецца, праз час які старыною мае быць.
Не тое, каго майстар малюе, а толькі тое, як ён гэта робіць, толькі здольнасць і ўлежнасць яго могуць малюнку хвалу і каштоўнасць надаваць.
Няўмольна хутка круціцца і не ведае супачыну кола жыцця.
Хваробы лечаць і атрутамі.
Любоў, як цудоўная жывая вада…
У паэзіі пераважная стыхіяй з’яўляецца інтуіцыя.
Цэласнасць далёка яшчэ не сінонім аднароднасці.
Як кожны народ мае сваю нацыянальную душу, так ён мае і свой асаблівы склад (стыль) творчасці, найбольш прыдатны для гэтай душы.
Калі (пісьменнікам) запазычана сапраўды каштоўная рэч, дык вынікае думка: чаго варт пісьменнік, у каторага лепшае – запазычкі?
Занасіць толькі чужое, не развіваючы свайго, - гэта знача глуміць народную душу.
Адны жабракі могуць праз усё жыццё толькі браць.
Гумар – гэта сузіральнасць, мяккасць і шырыня. Чалавек, прасякнуты гумарам, узіраецца з сваёй вышыні ўніз на зямлю і бачыць маленькіх людзей, спачувальна сочыць за іх жыццём, барацьбой і ўчынкамі, і ласкавая ўсмешка цепліцца на ягоных вуснах. Шмат разумеючы, ён многае даруе. Ён схільны бачыць у людзей не столькі заганы, колькі слабасці.
Змест можна паглыбіць і пашырыць, можна стварыць для яго новыя прыёмы, новыя сродкі мастацкага ўздзеяння – толькі б не затухаў дух пошуку, не знікалі творчыя сілы.
Формы любові зменлівыя, але сутнасць – вечная і нязменная.
Сціснутасць зместу – вось галоўны бок паэтычнага апісання, каторым яно розніцца ад прозы. У гэтым жа і ляжыць галоўная цяжкасць паэзіі. Апісваючы, паэт скажа ўсяго некалькі слоў, але такіх, каторыя цягнулі б за сабой недасказанае і, зліўшысь з ім у адно цэлае, ясна ўставалі перад вачыма чытача.
Кожны інтэлігент павінен адпавядаць наступным двум патрабаванням: па-першае, ён мусіць мець памкненне да ведаў, па-другое, ён мусіць імкнуцца несці свае веды на карысць народу.
Сэнс існавання кожнай інтэлігенцыі: яна развівае народную культуру.
Глухі людскі натоўп.
Выціскаючы беларускую мову з школы, мы хілім да растраты вынікаў велізарнай, шматвяковай духоўнай працы цэлага народа, збіваем думку дзіцяці з натуральных псіхалагічных сцяжынак і груба абцінаем ягоны душэўны свет.