“Непратаптаны шлях” адчыніў свае дзверы ў горадзе над Бугам
Сёння, 11 траўня, завяршылася першая частка міжнароднага тэатральнага фестываля. Цягам дня на суд гледачоў было прадстаўлена 9 спектакляў з Беларусі, Расіі, Украіны і Польшчы.
Кіраўнік украінскага тэатру “Парасткі” Віталь Любата распавёў пра сваё бачанне значэння міжнароднай тэатральнай пляцоўкі для людзей з абмежаванымі магчымасцямі:
- Мы ўсё ж такі кажам пра фармаванне цэласнасці чалавека ва ўсіх яго праявах. І калі чалавек мае нейкія пэўныя асаблівасці, тады мы кажам пра стабілізацыю ягонай эмацыянальнай сферы. З іншага боку - гэта магчымасць творчай рэалізацыі як момант тэатральнага мастацтва.
Заўтра (12 траўня) у Берасцейскім акадэмічным тэатры драмы пройдзе заключны гала-канцэрт, а таксама шэраг майстар-класаў для асаблівых тэатраў. У файе тэатру можна цягам выходных паглядзець фотавыставу “Тэатр у аб’ектыве”.
Беларускае Радыё Рацыя, Берасце