Жыццё паддуброўскіх вяскоўцаў на фотаздымках Яна Сівіцкага
Фатограф Ян Сівіцкі пакінуў пасля сябе сотні фотаздымкаў, на якіх захаваліся выявы паддуброўскіх вёсак пачатку ХХ ст. Фотамастак паходзіў з Ячна, што непадалёк ад Дубровы Беластоцкай.
Падчас Другой сусветнай вайны вучыўся рабіць фатаграфіі ў гарадзенскага яўрэя. Пасля вучобы вярнуўся ў родную вёску, дзе памёр у 1995 годзе.
Да сённяшняга дня аднавяскоўцы прыгадваюць яго, як таленавітага чалавека:
- Не было чаго сядзець на гаспадарцы, таму паехаў у Гародню, каб навучыцца рабіць фотаздымкі, партрэты, вучыўся там. Вельмі файныя фотаздымкі рабіў.
- Рабіў цёмна, завешваў просцінамі, там ён займаўся фотаздымкамі. Ён рабіў партрэты вялікія, і ў мяне партрэт ёсць.
- Ён рабіў фотаздымкі падчас пахаванняў і вяселляў.
Найстарэйшыя фотаздымкі зробленыя Янам Сівіцкім падчас Другой сусветнай вайны. У хатах жыхароў Ячна, а таксама ў навакольных вёсках захавалася найбольшая колькасць шлюбных партрэтаў і фатаграфій з пахаванняў.
Уля Шубзда, Беларускае Радыё Рацыя