Нюнька Хведар (нарадзіўся 6 красавіка 1928 году) — беларускі грамадзка-культурны дзеяч у Летуве. Нарадзіўся ў вёсцы Алешавічы ў Гміне Каменка ў Польшчы, ў беднай сялянскай сям’і. У 1943 годзе сям’я пераехала ў Вільню, у якой Х. Нюнька ў 1948 годзе скончыў расейскую гімназію. Вучыўся на лясным факультэце Летувіскай сельскагаспадарчай акадэміі (скончыў у 1953 годзе). Працаваў па спэцыяльнасьці да 1959 году. У 1959—1992 гадох — супрацоўнік праектных інстытутаў Вільні, спэцыяліст па каштарысах. З 1980-х гадоў вядзе актыўную грамадзка-культурную працу па адраджэньні беларускасьці ў Летуве. З 1989 году — старшыня Таварыства беларускай культуры Летувы). Сябра прэзыдыюму Рады БНР з 1997 году.

Крыніца: www.be-x-old.wikipedia.org