«Не толькі жыве чалавек хлебам..., але найбольш словам» — сказаў вялікі сын нашага народа Францішак Скарына. Але не так ужо і шмат знойдзецца народаў, у слова якіх быў бы такі трагічны лёс. I ўсё ж была ў нашага народа з яго «самай гарманічнай» (Адам Міцкевіч) моваю вялікая вера, без якой ён, кажучы словамі Дастаеўскага, «не ўратаваў бы сябе ніколі». У гэтай кнізе сабраны творы самых розных жанраў, у якіх - і гэты трагізм, і наша святая вера ў сваё слова, у яго неўміручасць.