Пра гаротнасць малых усходнеэўрапейскіх дзяржаваў

Іштван Бібо (1911–1979) – венгерскі палітычны дзеяч, правазнаўца і палітолаг, член-карэспандэнт Венгерскай акадэміі навук, міністр урада Імрэ Надзя, які быў звольнены і зняволены за сваю палітычную дзейнасць пасля падзеяў кастрычніка 1956 г. Гэтая невялічкая праца ўяўляе сабой папулярныя нарысы да асвятлення палітыка-прававых і гісторыка-этнічных рамак паўставання малых дзяржаваў на ўсходзе Эўропы, складанасці шляху да фармавання і прызнання з боку іншых народаў, пакручастасці іхнага лёсу. Аўтар не прэтэндуе на спецыфічную навуковасць выкладу, а прапануе хутчэй палемічны твор, які ўздымае агульныя праблемы шэрагу сучасных дзяржаваў-нацыяў.