Гэты дапаможнік — унікальнае выданне, бо тут сцісла выкладзена гісторыя беларускай літаратуры ад старажытнасці да нашых дзён. Даецца характарыстыка творчасці многіх таленавітых пісьменнікаў, асветлены пытанні тэорыі літаратуры. Навучальны дапаможнік стаў адным з пераможцаў на адкрытым конкурсе, які праводзіўся ў межах праграмы «Абнаўленне гуманітарнай адукацыі ў Беларусі» пры ўдзеле Міністэрства адукацыі і навукі Рэспублікі Беларусь. Адрасуецца вучням старэйшых класаў агульнаадукацыйных школ, навучэнцам ліцэяў і гімназій, слухачам падрыхтоўчых аддзяленняў і курсаў, абітурыентам. Можа быць выкарыстаны студэнтамі каледжаў і універсітэтаў, дзе выкладаецца курс беларускай літаратуры.