Справа Францыска Скарыны ў Еўрапейскім кантэксце, Скарынаўскія традыцыі і ўсходнеславянскае кнігадрукаванне; літаратуразнаўства: агульныя, тэарэтычныя пытанні; беларуская літаратура 14-19 ст. ў яе ўзаемасувязях з іншымі літаратурамі; узаемадачыненні беларускай літаратуры 20 ст. з літаратурамі свету - менавіта па такіх накірунках была падзелена праца даследчыкаў, якія прымалі ўдзел ў ІІІ Міжнародным кангрэсе беларусістаў «Беларуская культура ў дыялогу цывілізацый». Працы даследчыкаў прадстаўлены ў зборніку "Скарыназнаўства, кнігазнаўства, літаратуразнаўства". Дадзены зборнік прац аўтараў і даследчыкаў, якія выступілі на канферэнцыі, уяўляе сабой, бадай, найбольш поўнае выданне, прысвечанае не толькі жыццю і дзейнасці Францыска Скарыны, але і ўплыву і ўзаемадзеянню беларускай літаратуры і культуры з культурай і літаратурай свету.