Лінгвіст, пісьменнік
Павел Місько пра Фёдара Янкоўскага:
«Майстар дэталі і слова, пісьменнік тонкага густу».
Людзям трэба людзьмі жыць.
Адны сцежкі зарастаюць, другія стануць дарогамі.
Калі робіш добрае і робіш добра, не чакай і не шукай сабе спакою.
Апранайце словы і фразы ў інтанацыйную акрасу.
Студэнту век вяком … не хапае ці тыдня, ці дня, ці гадзіны.
У студэнта спрытны на ўцёкі рубель.
Кнігарня – экзамен аўтару кнігі перад пакупцамі.
Геній не толькі стварае, умее ствараць, - геній умее ўбачыць, умее пачуць тое, што ёсць на свеце, у прыродзе, у людзях, на людзях.
З марудамі, як і з мурзатымі, пчала не сябруе.
Не ўсё дарагое дорага.
Чалавек – не ў багацці.
Ганаруеш людзей – то і людзі цябе ганаравацьмуць.
У кожнага – сваё і наша.
Рытм сэрца – самая дарагая песня жыцця.
Ні пры якім павеве, ні пры якім надвор’і не дакраніся пальцамі да нейчага сардэчнага, некаму святога.
Дарагое мінулае – незабыўнае.
Не майце дрымоты пры полымі.
Жыццё не дзеля кавалка хлеба.
Час стварае, час і абкрадае чалавека.
Чытаньне – малітва слову. Руплівая самастойная вучоба на працягу жыцця.
Высакародная злосць і нераўнадушнасць да выпадкаў неахайнага абыходжаньня з словам – яркае сведчаньне ўзроўню культуры.
Шкодна бяднець.
Кожны мае сваё, адметнае.
Убач не толькі далекаватае і далёкае, а і тое, што пад бокам, пад самым носам.