Зваротная перспектыва

Дакументальна-мастацкая кніга пісьменніка і мастака Адама Глобуса «Зваротная перспектыва» складаецца з кароткіх, яркіх, дасціпных апавяданняў-успамінаў, разваг, замалёвак. Аўтар падае цэлую галерэю арыгінальных літаратурных партрэтаў не толькі сваіх сяброў, сваякоў, калег, але і вядомых людзей сучаснасці: мастакоў Каткова, Басава, Стальмашонка, Селешчука, Цэслера, пісьменнікаў Асташонка, Галубовіча, Уладзіміра Сцяпана і многіх іншых. Кніга насычана асабістымі, інтымнымі перажываннямі аўтара, ён дзеліцца з чытачамі малавядомымі і цікавымі фактамі са свайго жыцця і жыцця сучаснікаў, малюючы ўласны пакручасты шлях да мастацтва і творчасці.