3 вясною ў адным вагоне

Аснову новай кнігі лаўрэата Дзяржаўнай прэміі Беларусі Віктара Карамазава склалі аповесці “Мой брат духоўны” і “Крыж на зямлі і поўня ў небе”, а таксама эсэ, старонкі з дзённіка. Усе гэтыя творы пра вядомых беларускіх жывапісцаў — В. К. Бялыніцкага-Бірулю, С. Жукоўскага, Г. Вашчанку, А. Бараноўскага, А. Бархаткова, дзённікі напісаны на міжнародных пленэрах жывапісцаў-пейзажыстаў імя Бялыніцкага-Бірулі на Магілёўшчыне, адным з арганізатараў якіх і з’яўляецца аўтар. На старонках твораў чытач знойдзе новыя, раней малавядомыя ці ўвогуле невядомыя звесткі пра дружбу Левітана і Чэхава, з жыцця Льва Талстога, іншых выдатных пісьменнікаў і мастакоў.