„Бедны Генрык!”
Апавяданне
Дзядзенка Зміцер
Месца выхаду: Беласток
Дата выхаду: 2020-10
Выдавец: Kamunikat.org
Катэгорыя: Мастацкая літаратура
Copyright © 2020 by Зміцер Дзядзенка, Kamunikat.org - ePub
Кнігазбор: KAMUNIKAT — гэты сайт (электронны варыянт)
Дадатковая даведка: Падрыхтаванае на падставе: Дзядзенка Зміцер, Каралеўскае паляванне. Казкі пра цмокаў і прынцэс для дзетак ад шасці да дзевяноста шасці гадкоў, — Беласток: Kamunikat.org, 2020.
За дзвярыма нешта пастуквала і бразгатала. Першая фрэйліна прынцэсы з зацікаўленасцю павярнулася на гук і скрывіла тварык — дзверы расчыніліся з неймаверным грукатам. Б’ючы жалезнымі пятамі ў мармуровую падлогу, у залу ўвайшоў рыцар са знятым шаломам. Яго панцыр быў старанна апырсканы нечым чырвоным — магчыма нават, што гэта была кроў. Маляўнічасці карціне дадавала адна дэталь: за сабой рыцар цягнуў вялізную галаву цмока. Галава глуха шаргацела па мармуры ды часам дзіўна парыпвала. Валачыць за сабой цмокаву галаву было нялёгка: фрэйліна бачыла, як напяліся жылы на шыі рыцара і пачырванеў ад напругі ягоны твар. (фрагмент)
Апавяданне «„Бедны Генрык!”»