Вольная студыя

Госьцем перадачы – Ігар Сурмачэўскі, адзіны ў Беларусі рэстаўратар-мэцэнат, які сваім коштам рэстаўруе старажытныя абразы і ахвяруе іх цэрквам і касьцёлам. — Усё маё дзяцінства, а вырас я ў Вязані і Фаніпалі пад Менскам, праходзіла ў прысутнасьці каталіцкага абраза Маці Божай Вастрабрамскай, які вісеў у нашай хаце. А першы крок да разуменьня сакральнага мастацтва я зрабіў у Беларускім тэатральна-мастацкім інстытуце, дзе мне пашчасьціла быць вучнем Міхася Раманюка. Менавіта ад яго мы, студэнты, даведаліся, што такое беларускае мастацтва ўвогуле, што ўяўляе зь сябе, прыкладам, беларускі ўніяцкі сакральны жывапіс.