Тэрмапілы

Нягледзячы на тое, што я ўсё хутчэй спускаюся некуды ўніз ужо па восьмай дзесятцы ступені жыцця, яно ня робіцца меньш цікавейшым, а таму жыву я - жыве ў маім успрыманні і жыццёвы меланж навукоўца... Аповесць у абразках памяці. Неяк у цёплы дзень чэрвеня завітаў да Ніла Гілевіча, які падараваў мне чарговы том са свайго “Збору твораў у 23-х тамах”. Гэта быў том 14-ты -аповесці, апавяданні і абразкі. Прыемна было прачытаць ласкавы надпіс: “Дарагому Радзіму Гарэцкаму - з вялікай сяброўскай павагай і любоўю. Ніл Гілевіч, 16.06.10”. 3 цікавасцю слухаў пра першую аповесць кнігі “Перажыўшы вайну”, якую аўтар пісаў у два заходы з перапынкам у 20 гадоў. (Радзім Гарэцкі, Жыццёвы меланж працягваецца, фрагмент)