Праваабарончы веснік (Баранавічы)

Праваабаронца Сяргей Гоўша накіраваў 7 жніўня заяву на імя старшыні Баранавіцкага гарвыканкама Юрыя Грамакоўскага, у якой патрабуе тлумачэнняў, на якой падставе быў забаронены пікет, які планавалі правесці 27 ліпеня Сяргей Гоўша, Вячаслаў Болбат і Рыгор Грык. У адказе гарвыканкама № 01-15/05/1 ад 14.07.2014г. адзначаецца, што арганізатары масавага мерапрыемства не выканалі патрабаванняў артыкула 5 Закона РБ ад 30 снежня 1997г. № 114-З “Аб масавых мерапрыемствах у РБ” (у рэд. Закона РБ ад 08.11.2011г. № 308-З) і пункта 4 рашэння Баранавіцкага гарадскога выканаўчага камітэта ад 16 чэрвеня 2009г. № 1497 “Аб парадку правядзення масавых мерапрыемстваў у г.Баранавічы” (у рэдакцыі рашэння Баранавіцкага гарадскога выканаўчага камітэта ад 05.10.2009г. № 2497).