Праваабарончы веснік (Баранавічы)

Як паведаміў старшыня Брэсцкай абласной арганізацыі Аб’яднанай грамадзянскай партыі Уладзімір Вуек, на наступны дзень пасля пікета, які адбыўся 30 студзеня, ён атрымаў позву з патрабаваннем з’явіцца ў апорны пункт міліцыі, размешчаны на тэрыторыі, дзе ладзіўся пікет у падтрымку вылучэння кандыдата ад АГП Дыяны Касцюковіч. “Супрацоўнікі міліцыі хацелі атрымаць тлумачэнні чаму, дзе і як я праводзіў пікет, але я ім адразу адказаў, што нічога не парушаў і ладзіў акцыю ў незабароненым месцы як сябра ініцыятыўнай групы нашага кандыдата і як кіраўнік абласной арганізацыі партыі”, - распавёў Уладзімір Вуек.