Вяршыні

Сілуэт сучаснай беларускай літаратуры вызначаюць найперш тры вяршыні: Купала, Колас i Багдановіч. Асобныя невядомыя ці забытыя сёння сцяжыны ix няпростага творчага шляху ўваскрашаюцца ў гэтай кнізе, напісанай з пазіцый сучаснага літаратуразнаўства ў форме захапляючага эўрыстычнага пошуку: Адрасуецца спецыялістам-літаратуразнаўцам, гісторыкам, краязнаўцам, выкладчыкам i студэнтам. Горны краж беларускай паэзіі, як i ўсялякай іншай, вызначаюць вяршыні. Ba ўсім свеце відны алмазныя пікі паэзіі Аляксандра Пушкіна i Шата Руставелі, Тараса Шаўчэнкі i Адама Міцкевіча, Хрыста Боцева i Шандара Пецёфі... «Першай з вяршынь беларускага Эльбруса паэзіі» назваў Янку Купалу яго сучаснік, класік украінскай савецкай паэзіі Паўло Тычына. Другая вяршыня — гэта аднагодак i саратнік Янкі Кулалы, «беларускі Франко», як яго нярэдка велічаюць украінцы, — Якуб Колас.