Хто ёсць кім

Лера Сом – педагог, паэтка, артыстка, палітычная актывістка, вялікая арганізатарка, маці. Усе падкрэсліваюць здольнасць гэтай жанчыны адстойваць свае перакананні. Калегі па партыі называюць Леру Сом абліччам БНФ, у школе яна – адна з найлепшых выкладчыц беларускай мовы, удзельнікі моладзевага гурта «Індра» мяркуюць, што яна «найлепшая паэтка – аўтарка песенных тэкстаў», хоць паміж імі і ёю – 20-гадовая розніца ва ўзросце. Яна сама сябе лічыць скрайняю нацыяналісткаю, аднак у ейным нацыяналізме абсалютна няма комплексу малога народу.

www.belsat.eu