Самасей

Андрэй Антошка, інжынер з Беластока – галоўны герой аповесці «Самасей». Жыццёвыя перыпетыі, разуменне свету праз прызму звычайнага чалавека, яго філасофскія роздумы над сэнсам жыцця і псіхалогіяй існавання роду чалавечага наогул і кожнага чалавека паасобку. Сакавітая вобразная мова не даеадарвацца ад кнігі. Апрача тытульнай аповесці ў кнігу увайшло таксама больш шасці дзесяткаў апавяданняў розных гадоў. Каб прыйшлося адным словам акрэсліць тэматыку творчасці Сакрата Яновіча, сышлося б на адным – жыццё. Жыццё з усімі плюсамі і мінусамі. Штодзённыя клопаты і разважанні пра вечнасць. Пісьменнік закранае праблемы і пытанні, якія прыходзяць у галаву не толькі філосафам. Кніга не дае адказаў, не дае парад, як захавацца ў той ці іншай сітуацыі. Кніга дае тэму да разважання і штуршок да глыбейшага зазірання ў сябе, у сваю душу, у сваё разуменне свету. (Н.Г.)