Белорусы между небом и землей

Першая з кніг-хронікаў Анатоля Казловіча – гэта не мэмуары, не ўспаміны і ня дзёньнікі, гэта праца публіцыста, які фіксаваў тое, што яго ўразіла як чалавека, як прафэсіянала. У чатырох кнігах «Белорусы между небом и землей» аўтар сабраў вялізарны фактычны матэрыял па найбольш складаным пэрыядзе разьвіцьця Беларусі на мяжы ХХ-XXI стагодзьдзяў, калі краіна ў пакутах выбіралася на незалежны шлях. Першая кніга хронікаў «Белорусы между небом и землей» ахоплівае пэрыяд ад 1986 да 2002 года – сямнаццаць гадоў. Яна складаецца з кароткіх зацемак, напісаных па сьлядох падзеяў і надрукаваных у «Литературной газете» (Масква) і «Независимой балтийской газете» (Рыга). Да рэпартэрскіх матэрыялаў дапасаваныя запісы зь дзёньніку, у якім акрамя факалёгіі ўтрымліваюцца і асабістае бачаньне тых зьменаў што адбываліся ў Беларусі. (З.К.)