Вольная Серабранка

Рынкавы індыкатар. Паводле супрацоўнікаў рынку “Свелта”, справы ў прадпрымальнікаў пагаршаюцца. Дзяржава падвысіла падаткі, а пакупнікоў рэзка паменела. Пад ціскам стыхійных пратэстаў пасля разавай дэвальвацыі напачатку года ўдалося дабіцца зніжэння арэндных ставак на 20%, аднак арэндныя плацяжы працягваюць налічацца ў еўра, і ад “паўзучай” дэвальвацыі ніхто не абаронены. Урад з новага года павялічыў каэфіцыент, які прымяняецца да стаўкі адзінага падатку і НДС з 1,5 да 2-х, гэта значыць плаціць даводзіцца на 33% болей. Акрамя павелічэння падатковай нагрузкі прадпрымальнікі сутыкнуліся з рэз­кім падзеннем попыту насельніцтва на пэўныя катэгорыі тавараў. Людзі адкладаюць набыццё дарагіх, але не жыццёва неабходных рэчаў да лепшых часоў. Гэта ў першую чаргу тычыцца вопраткі. Напрыклад, калі раней у сакавіку ў адной гандлёвай кропцы куплялі 10-15 скураных куртак, то зараз 1-2. Многія ледзь зводзяць дэбет з крэдытам, і пакуль не бачаць выйсця з гэтага тупіка. У той жа час шмат хто з прадаўцоў і прад­прымальнікаў лічаць, што менавіта існуючыя улады вінаватыя, што сус­ветны фінансавы крызіс так балюча адбіўся на нашай краіне. Менавіта ўрад Лукашэнкі 10 апошніх год на ўсе лады расхвальваў, як выявіла­ся, нежыццяздольную беларускую эканамічную мадэль, а не праводзіў рынкавыя рэформы.