Каралева прыйдзе ноччу

Вершы пра каханьне, вершы для душы і пра душу. Вершы для сябе. Каралева, да якой хадзіць у госьці – гонар, пасядзець на каралеўскай кухні, пачытаць вершы, падарыць кветку, выпіць каву. Побач з каралевай. Не, гэта не пра яе, гэта - пра нас. Адчуць сябе каралевай, якая прыходзіць у сне, уначы, прыходзіць, каб завалодаць жыцьцём, думкамі, марамі. Каралева – гэта Я. Кожная жанчына – Каралева. Лера Сом – таксама Каралева і па-каралеўску лёгка і непрымушана складае вершы. Вершы, што песьні, льюцца з жаночай душы ў жаночыя душы. Дадаюць крылаў, паказваюць месца жанчыны ў сьвеце. І, калі на кухні, - то ў якасьці Каралевы, калі ў ложку, - тык абавязкова па-каралеўску. Усё найлепшае ў Каралевы, усё найлепшае – для Каралевы. (Н.Г.)