Мастоўская Праўда

«Народная воля» на Гродзеншчыне. Толькі 500 асобнікаў адноўленай у продажы праз “Белсаюздрук” газеты “Народная воля” трапіла ў шапікі Гродна. Для горада, насельніцтва якога перавышае 300 тысяч жыхароў, гэтай лічбы яўна недастаткова, але, як паведамілі ў дзяржаўнай установе, бліжэйшым часам падвышэнне накладу не прадбачыцца. У кожны газетны шапік Гродна трапіла прыкладна 5-6 нумароў “Народнай волі”. Гродзенская вобласць атрымала наклад газэты, які склаў 1000 асобнікаў: з іх 500 засталося ў Гродна, а 500 распаўсюдзілася ў раённых цэнтрах. Калі улічыць, што насельніцтва Гродзеншчыны складае больш мільёна чалавек, дык атрымліваецца, што 1 асобнік газеты прызначаны для тысячы патэнцыйных чытачоў. Як зазначылі ў гродзенскім аддзяленні Белсаюздруку, пакуль складана гаварыць аб попыце на газету, бо вынікі рэалізацыі будуць падведзеныя значна пазней - пасля 12 студзеня наступнага года.