Беларусы ў свеце

“Будзьма беларусамі!” стартавала агульнабеларуская кампанія “Будзьма!”. Мэта кампаніі – папулярызацыя беларускай культуры ў краіне і паза яе межамі, прыцягненне інтарэсу да яе з боку жыхароў Беларусі без уліку іх нацыянальнай прыналежнасці, заахвоціць беларусаў да ўсведамлення беларускай культуры як уласнай каштоўнасці, а таксама стварэнне прыдатных умоваў для ўсіх беларусаў, хто жадае зрабіць унёсак у супольную культурную прастору краіны. Лозунг кампаніі – “Будзьма беларусамі – гэта нас аб’ядноўвае і робіць унікальнымі!”. Кампанія аб’ядноўвае шэраг арганізацыяў: МГА “Згуртаванне беларусаў свету “Бацькаўшчына”, ГА “Саюз беларускіх пісьменнікаў”, ГА “Таварыства беларускай мовы”, суполка “Пагоня” пры БСМ, МГА “Гісторыка”, творчы калектыў альманаха “pARTi­san”, ГА “Беларускае добраахвотнае таварыства аховы помнікаў гісторыі і культуры”, Беларуская музычная альтэрнатыва, інтэрнэт-супольнасць www.moladz.org, інтэрнэтсупольнасць “Шлях да Беларусі”.