Час і песні

Змест гэтай кніжкі складаюць нарысы асобных з'яў літаратурнага жыцця былой Заходняй Беларусі і партрэты некаторых пісьменнікаў. Тут Міхась Васілёк, і Алесь Салагуб, Мікола Засім, і Аляксандр Гаўрылюк. Апрача таго зроблены грунтоўны аналіз падзей, якія зрабілі вялікі ўплыў на развіццё беларускага літаратурнага руху. Гэту кніжку можна разглядаць як працяг іншага зборніка - “Паэзія змагання”. Але нават абедзьве гэтыя кнігі не даюць поўнага адлюстравання з’яў і падзей, а таксама постацяў, якія спрычыніліся да развіцця літаратурнага руху у Заходняй Беларусі першай паловы ХХ стагоддзя. У дапаўненне гэтым ідуць чарговыя публікацыі Уладзіміра Калесніка, якія таксама можна знайсці ў Інтэрнэт-бібліятэцы КАМУНІКАТ. (Н.Г.)