Свабодны Салігорск

Іван Шыла ў Польшчы? Пэўна чытачам нашай газэты вядома імя Івана Шылы, якога год таму асудзілі за дзейнасьць ад “Маладога Фронту” і напрыканцы гэтага навучальнага году беспадстаўна выключылі са школы. У шматлікіх інтэрвію ён казаў, што ня зьедзе зь Беларусі, а працягне займацца грамадзкай дзейнасьцю. Шпацыруючы па Салігорску, я пачуў ад нейкіх маладзёнаў пра тое, што Іван падмануў чаканьні і зьехаў у Польшчу на навучаньне. Я вырашыў патэлефанаваць свайму старому сябру каб спраўдзіць гэтую інфармацыю ў яго асабіста: - Гэта ўсяго толькі чутка. Я спрабую паступіць на “завочнае” ва Ўкраіну, зараз шукаю працу ў Салігорску. Таму не турбуйцеся, я пакуль застануся на Беларусі ў родным горадзе.