Народная Воля

Прыезд польскага пасла зацягваецца амаль на год Сёння амбасаду толькі адной краіны, якая мае агульную мяжу з Беларуссю, узначальвае пасол. У Беларусі пяць суседак - Расія, Украіна, Літва, Латвія і Полынча. Яшчэ зусім нядаўна дыпмісіі гэтых краін у Мінску ўзначальвалі амбасадары. Аднак зараз у беларускай сталіцы застаецца толькі пасол Расіі - Аляксандр Сурыкаў. Нядаўна Мінск пакінуў кіраўнік літоўскай дыпмісіі Петрас Вайцекунас. Дыпламат узначаліў Міністэрства замежных спраў сваёй краіны. Агрэман на новага пасла ўжо дасланы, але адказу ад беларускага боку пакуль няма. Таксама летам нечакана ддя ўсіх скончыўся тэрмін знаходжання ў беларускай сталіцы яшчэ аднаго дыпламата — украінскага амбасадара Валянціна Налівайчанкі. Дыпламат прыступіў да абавязкаў у лютым 2006 года, а ў маі ўкраінскі прэзідэнт Віктар Юшчанка сваім указам вызваліў Налівайчанку ад пасады пасла. Зараз украінскай амбасадай у Мінску кіруе Часовы Павераны ў справах Украіны ў Беларусі Аксана Кіцун. Калі афіцыйны Кіеў прышле ў Мінск пасла і хто гэта будзе, невядома. Ва ўкраінскай амбасадзе на гэты конт не даюць ніякіх каментарыяў. (фрагмэнт, больш падрабязна ў PDF-файле)