Народная Воля

Каго яшчэ не пусцяць у Еўропу? Пытанне аб пашырэнні спіса неўязных беларускіх чыноўнікаў можа быць разгледжана 16 кастрычніка на сустрэчы кіраўнікоў знешнепалітычных ведамстваў краін - членаў Еўрасаюза. Пра гэта БелаПАН паведаміў прадстаўнік прэс-службы Савета ЕС Віктар Флавіян. Паводле яго слоў, гэтае пытанне зараз разглядаецца і аналізуецца ў Савеце ЕС. "Дакладна вывучаецца і правяраецца кожны канкрэтны выпадак, - сказаў В.Флавіян. - Гэта звьгаайная працэдура пры ўвядзенні якіх-небудзь санкцый супраць іншай краіны". Паводле інфармацыі Бела-ПАН, гэты спіс могуць папоўніць, прынамсі, чатыры беларускія чыноўнікі, адказныя за вынясенне прыгавору экс-кандыдату ў прэзідэнты, кіраўніку Беларускай сацыял-дэмакратычнай партыі (Грамада) Аляксандру Казуліну. Пашырэнне спіса стане рэакцыяй Еўрасаюза на вердыкт калегіі Мінскага гарадскога суда, якая пакінула без змяненняў прыгавор А. Казуліну. Абмеркаванне такога кроку было ініцыявана лідэрам аб'яднаных дэмакратычных сіл Аляксандрам Мілінкевічам падчас візіту ў Фінляндыю, якая зараз узначальвае Савет ЕС. (фрагмэнт, больш падрабязна ў PDF-файле)