Народная Воля

Разгляд касацыйнай скаргі экс-кандыдата ў прэзідэнты Аляксандра Казуліна калегіяй Мінскага гарадскога суда адбудзецца 19 верасняў 10 гадзін Як паведамляе прэс-служба А.Казуліна, у дадатак да пададзенай скаргі адвакатам Ігарам Рынкевічам і Аляксандрам Казуліным будуць пададзены вялікія дадатковыя касацыйныя скаргі. Абарона і А.Казулін патрабуюць удзелу абвінавачанага ў разглядзе справы судом касацыйнай інстанцыі. У паведамленні прэс-службы зазначана, што паколькі ніякіх скаргаў на прыгавор суда першай інстанцыі ад пацярпелых і касацыйнага пратэсту пракуратуры не паступіла, то суд касацыйнай інстанцыі можа або спыніць справу, або змякчыць пакаранне. Абарона па-ранейшаму патрабуе адмяніць прыгавор, а справу спыніць з-за адсутнасці ў дзеяннях АКазуліна склацу злачынства. Нагадаем, што 6 ліпеня 2006 года Аляксандр Казулін быў прызнаны судом Маскоўскага раёна Мінска "вінаватым у наўмысных дзеяннях, што груба парушаюць грамадскі парадак і выказваюць відавочную непавагу да грамадства, якія суправаджаюцца прымяненнем насілля і знішчэннем чужой маёмасці, звязаных з супраціўленнем асобе, якая прадухіляе хуліганскія дзеянні, здзейсненыя паўторна...", і на пацставе ч. 2 артыкула 339 КК яму прызначана пакаранне ў выглядзе пазбаўлення волі тэрмінам на 3 гады. (фрагмэнт, больш падрабязна ў PDF-файле)