Беларусы ў свеце

За асабістуюадвагу, праяўленую ў баях супраць расійскіх агрэсараў ва Украіне дзеля свабоды Беларусі і Украіны, Старшыня Рады БНР Івонка Сурвілла ўзнагародзіла медалём “За баявыя заслугі”трох байцоў групы спецыяльнага прызначэння батальёну “Волат”. Іх імёны не апублічваюцца, як і прозвішчы трох асобаў, узнагароджаныхмедалём Ордэну Пагоні, якіяжывуць у Беларусі і адзначаныя за шматгадовую дзейнасць у зберажэннігістарычных каштоўнасцяў і ўшанаванне памяці выбітных асобаў беларускай гісторыі. Затое няма падставаў не назваць імя іншай асобы, чые заслугі ўшана­ваныя Медалём Ордэну Пагоні – гэта палітолаг Анаіс Марэн. Да нядаўняга часу яна была адмысловай даклад­чыцай ААН па правах чалавека ў Бе­ларусі і шмат зрабіла для абароны як беларусаў, якія на Бацькаўшчыне цярпяць пераслед за свае пераканан­ні, гэтак і для тых, хто апынуўся ў вымушанай эміграцыі. Дзень Герояў – удзельнікаў Слуцкага паўстання ў абарону БНР – дзесяцігоддзямі ад­значаўся ў асяродках беларускай дыяспары ў Еўропе, на паўночна­амерыканскім кантыненце і ў Аўстраліі ў часы, калі Беларусь бы­ла часткай СССР, у якім гісторыя змагання супраць бальшавіцкай акупа­цыі замоўчвалася. Традыцыю ўшана­вання памяці змагароў за Незалеж­насць Беларусі пераняло і новае па­каленне эмігрантаў.