Зямля над белай ракой

Андрэй Сцепанюк нарадзіўся (1963 г.) і жыве ў Бельску-Падляшскім. Закончыў бельскую «тройку» і беларускі ліцэй у тым жа горадзе. Выпускнік Кафедры беларускай філалогіі Варшаўскага ўніверсітэта. Працаваў выхавацелем, настаўнікам, бургамістрам, дырэктарам II Агульнаадукацыйнага ліцэя з беларускай мовай навучання імя Бракіслава Тарашкевіча у бельску-Падляшскім. Друкаваўся ў студэнцкіх «Сустрэчах», тыднёвіку «Ніва», у якой вядзе літаратурную старонку «Вершаўчытальня», альманахах «Белавежа», «Тэрмапілы», «Мае песні Табе дару», «Bielskie spotkania z poezją». Пастаянна публікуецца ў мінскім часопісе «Дзеяслоў», якім быў намінаваны да прэміі «Залаты апостраф» у 2015 годзе. Аўтар паэтычнага зборніка «Распісаны квадрат», выдадзенага рэдакцыяй «Нівы» ў 2016 годзе.