Брылеўскі летапіс

Каб прыгожа было Для старшыні выканкама Брылеўскага сельскага Савета Ўладзіміра Ільіча Мажорава навядзенне парадку на зямлі - не проста словы. Гэта перш за ўсё адчуванне таго, што прыгажосць павінна быць заўсёды побач з чалавекам. І тады гэты чароўны знешні фактар абавязкова адаб’ецца і ў людскіх сэрцах, і ў адносінах да жыцця. Але ж прыгажосць трэба ствараць -- рупліва і мэтанакіравана. І, разумеючы гэта, Уладзімір Ільіч з дапамогай супрацоўнікаў сельсавета зрабіў маленькі цуд -- і ў самым цэнтры нашых Брылёў развінуўся шматкаляровы дыванок з кветак. І наўкольная прастора зрабілася светлай і радаснай... Усё вялікае пачынаецца з малога. Не затаптаць кветку, не кінуць смецце пад ногі, з цеплынёй павітаць сустрэчнага -- і ты пачынаеш адчуваць сябе сапраўдным чалавекам, здольным здзейсніць свае самыя высокія мары.