Брылеўскі летапіс

Дыялог з народам 19 снежня 2006 г. у госці да жыхароў вёскі Зылі завіталі генеральны дырэктар унітарнага камунальнага аграгандлёвага прадпрыемства “Фірма”Днепр” Уладзімір Віктаравіч Давыдаў, старшыня Брылеўскага сельскага Савета Уладзімір Ільіч Мажораў і кандыдат у дэпутаты Магілёўскага абласнога Савета дэпутатаў Мікалай Адамавіч Яцкоў. Утульная хата Міхаіла Яфімавіча Каранькова, дзе праходзіў сход, напоўнілася зацікаўленай і шчырай гаворкай. У. В. Давыдаў расказаў прысутным пра сёняшні дзень “Фірмы “Днепр” - пра набыткі і пэўныя цяжкасці. Гучалі адказы на пытанні жыхароў. Прагучала цвёрдае абяцанне прааналізаваць узнятыя праблемы і паспрыяць іх вырашэнню. Былі пытанні і да У.І.Мажорава. Кандыдата ў дэпутаты М.А.Яцкова папрасілі агучыць праграму будучай дзейнасці. Слухалі ўважліва і пажадалі больш увагі звяртаць на пэўныя праблемы сельскіх жыхароў. Па выніках сходу быў складзены пратакол. Прапануем вашай увазе тэкст гэтага дакумента, які ўжо з’яўляецца неад’емнай часткай нашай вясковай гісторыі.