Брылеўскі летапіс

Мы не правінцыя 25 лістапада 2006 года ў Магілёве адбылася сустрэча групы кандыдатаў у дэпутаты мясцовых Саветаў з лідэрам аб’яднаных дэмакратычных сілаў Беларусі, былым кандыдатам у Прэзідэнты Рэспублікі Беларусь Аляксандрам Уладзіміравічам Мілінкевічам. У зацікаўленай і шчырай гаворцы былі ўзняты пытанні маючай адбыцца неўзабаве выбарчай кампаніі, акрэслены накірункі дзейнасці кандыдатаў у дэпутаты. Вельмі добра, што палітыкі такога высокага ўзроўню дасканала ведаюць нашы правінцыйныя шляхі і ростані. Аляксандр Мілінкевіч разумее, што менавіта людзі, якія жывуць на зямлі, у самым народным гушчары, вельмі добра адчуваюць настрой і памкненні нашага народа. Таму і трэба ў мясцовых Саветах дэпутатаў мець такіх прадстаўнікоў, якія не на словах, а на справе будуць рабіць усё, каб беларусы жылі лепей, каб наша краіна была заўсёды моцнай і квітнеючай.