Народная Воля
15-16 / 2008
Месца выхаду: Менск
Дата выхаду: 2008-02-01
Рэдактар: Сярэдзіч Іосіф
Выдавец: УК "Народная Воля"
Copyright © 2008 by Народная Воля
Кнігазбор: KAMUNIKAT — гэты сайт (электронны варыянт)
Дадатковая даведка: Выдаецца з ліпеня 1995 на беларускай і рускай мовах; Адрас рэдакцыі: 220030 Мінск, вул. Энгельса 34а; прыёмная: тэл./факс (017) 3286871; тэл./факс рэкламнага аддзела: 3286904, 3286906; e-mail: nv@promedia.by; http://www.nv-online.info Выданьне публікуецца тут за ласкавай згодай Рэдакцыі
Парламенцкія выбары адбудуцца ў верасні? Днямі Аляксандр Лукашэнка прыняў старшыню Цэнтрвыбаркама Лідзію Ярмошыну. Гэта значыць, што дадзены старт падрыхтоўцы да парламенцкіх выбараў. Згодна з паведамленнем афіцыйных крыніц, Лукашэнка і Ярмошына папярэдне дамовіліся, што выбары пройдуць не пазней канца верасня. Такім чынам, выбарчая кампанія павінна пачацца не пазней канца чэрвеня гэтага года. I прыйдзецца яна на "мёртвы сезон" - лета, пару адпачынкаў і працы на лецішчах. Вядомы вынік папярэдніх парламенцкіх выбараў у Беларусі, як, дарэчы, і рэферэндумаў. Цывілізаваная еўрапейская супольнасць, дэмакратычныя колы нашай краіны лічаць іх нелегітымнымі. У значнай ступені з-за гэтага Беларусь апынулася ў пэўнай палітычнай ізаляцыі. І тут відавочная віна Цэнтральнай выбарчай камісіі, якая па законе павінна была забяспечыць свабоднае волевыяўленне людзей, захаванне ўсіх дэмакратычных працэдур падчас выбарчых кампаній і правядзення рэферэндумаў. У сувязі з гэтым паўстае пытанне: Ці мае Лідзія ЯРМОШЫНА маральнае права ўзначальваць Цэнтрвыбаркам падчас правядзення чарговых парламенцкіх выбараў?
Каталёг: Kamunikat.org
Пэрыёдыка: Народная Воля
Увесь нумар у адным файле