Народная Воля

Ігар Адзярыха і Юрый Астроўскі выкліканы ў суд У маскоўскім судзе Мінска працягваюцца слуханні па справе кардыяхірурга РНПЦ 'Кардыялогія', загадчыка 2-га кардыяхірургічнага аддзялення Аляксандра Шкета. У якасці сведкаў у суд запрошаны дырэктар цэнтра Ігар Адзярыха і кардіяхірург нумар адзін у Беларусі Юрый Астроўскі. Судовыя слуханні па гучнай справе кардыяхірурга Аляксандра Шкета распачаліся 4 студзеня. Пасяджэнні праходзяць амаль кожны дзень. У суд часцей за ўсё кардыяхірург прыязджае пасля аперацый. Здараецца, што слуханні доўжацца амаль цэлы дзень - з раніцы і да вечара. Ужо апытана большая частка сведкаў з боку абвінавачвання. Што прыкметна, амаль палова былых пацыентаў у суд не прыходзяць. Па якой прычыне - не вядома. Магчыма, яны перадумалі даваць паказанні супраць урача, які ў свой час выратаваў ім альбо іх родным жыццё. Магчыма, выяўляецца той факт, што большасць сведкаў іншагароднія.