Свабодны Салігорск

Перавод стрэлак назад Збор акцыянэраў ААТ' “Салігорскпрамбуд”, які адбыўся 14 сакавіка цяперашняга года, падтрымаў прапанову апарата дырэкцыі аб вяртаньні прадпрыемству гістарычнай назвы. Пасьля адпаведных узгадненьняў і сьцвярджэньняў у самыя бліжэйшыя месяцы ААТ “Салігорскпрамбуд” будзе пераназваны ў ордэна Кастрычніцкай Рэвалюцыі ААТ “Будаўнічы трэст № 3”. Гэтую высокую урадавую узнагароду калектыў будтрэста № 3 Міністэрства прамысловасьці і будаўніцтвы БССР атрымаў 24 сакавіка 1981 года. У 1997-м прадпрыемства было рэарганізавана ў ААТ “Салігорскпрамбуд”. І вось - чарговы загад часу які - паводле законаў фізычных - рухаецца наперад, а па законах ідэалягічных - назад. Вядома, аднаўленьне гістарычнай аб’ектыўнасьці часьцяком бывае сапраўды неабходным - у дадзеным ж выпадку выклікае толькі зьдзіўленьне, якое, зрэшты, пры жаданьні можна ураўнаважыць пастулатамі новай, то бок добра забытай старой, ідэалёгіі. Рашэньне аб пераназваньні прадпрыемства можна, мабыць, назваць адным з самых нестандартных і нечаканых зьмен, адбываючыхся ў пэрыяд бурнай падрыхтоўкі горада да маючага адбыцца “грандыёзнага” юбілею. Ці то яшчэ будзе…