Беларусы ў свеце

Сваімі ўспамінамі пра Васіля Быкава дзеліцца Ганна Сурмач, грамадская дзяячка і гісторык, старшыня Рады ЗБС “Бацькаўшчына” ў 1993–1999 гг. Ад пачатку кантактаў ззамежнымі суродзічамі ў канцы 80­-х гадоў міну­лага стагоддзя Васіль Быкаў з вялі­кай павагаю і цікавасцю ставіўся да беларусаў, якія былі вымушаныя па­кінуць радзіму і ўладкоўваць новае жыццё на чужыне. Іхны патрыятызм, глыбокая нацыянальная свядомасць, якую эмігранты захавалі праз усё жыццё, адпавядалі ягоным поглядам на нацыянальную беларускую спра­ву. Калі ў 1990 годзе ўзнікла ініцыя­тыўная група пад кіраўніцтвам Яў­гена Лецкі, якая задумала стварыць “Згуртаванне беларусаў свету (ЗБС) “Бацькаўшчына”, Васіль Уладзіміравіч актыўна падтрымаў гэтую важную справу і ўзяў удзел ва ўстаноўчай канферэнцыі. Тады яго выбралі на пасаду першага прэзідэнта арганіза­цыі. Сваім аўтарытэтам і рэальнай працаю Быкаў моцна падтрымліваў Згуртаванне ў першыя гады дзейнасці. У канцы 1992 года кіраўніцтва ЗБС “Бацькаўшчына” прыняло адказнае рашэнне – правесці ў Мінску І з’езд беларусаў свету.