Навіны

«Навіны БНФ «Адраджэньне» - газета, орган Беларускага народнага фронту «Адраджэньне». Выдавалася ў снежні 1988 — маі 1994 у Мінску на беларускай мове (асобныя нумары таксама на рускай мове). Рэдактар А. Суша. Асноўны змест газеты складалі хроніка падзей, артыкулы на актуальныя грамадска-палітычныя тэмы, праграмныя матэрыялы БНФ. Апублікавала 1, 2 і 3-ю Устаўныя граматы БНР, артыкулы пра гісторыю Беларускай хрысціянскай дэмакратыі ў 1920—30-я г. ў Заходняй Беларусі (З. Пазняк), Бел. музей у мяст. Лаймэн (Зах. Германія), агляд гісторыі беларускіх вайсковых фарміраванняў у XX ст., падборку матэрыялаў пра паўстанне 1863—64 і інш. У асобных нумарах змешчаны матэрыялы пра беларускую нацыянальную сімволіку, спісы ахвяр палітычных рэпрэсій. Выйшла 40 нумароў. (Віктар Аўтушка, Энцыклапедыя гісторыі Беларусі, том. 5, Мінск 1999)