Навіны

Навіны — грамадзка-палітычная газэта, якая выдавалася пад гэтай назвай з 1998 па верасень 1999 ў Менску на беларускай мове. Заснавальнік – Павал Жук, галоўны і першы рэдактар – Ігар Гермянчук. 24 лістапада 1997 году Вышэйшы гаспадарчы суд зьліквідаваў газэту «Свабода». З 16 студзеня 1998 году «Свабода» пачала выходзіць пад назвай «Навіны». 24 верасьня 1999 году суд задаволіў зыск Дзяржаўнага сакратара Рады Бясьпекі Віктара Шэймана да газэты й журналіста Сяргея Аніськага памерам 15 млрд. рублёў. Зь верасьня газэта «Навіны» перастала выходзіць у сьвет. 25 лютага 2000 году аднаўляецца выпуск і выходзіць 8-палосны першы нумар газэты «Наша Свабода».