Літаратурная Беларусь

7 снежня 2023 года споўнілася 95 гадоў Радзіму Гаўрылавічу ГАРЭЦКАМУ — акадэміку, геолагу, грамадскаму дзеячу, пісьменніку, прадстаўніку знакамітага роду Гарэцкіх і Чалавеку, які сваёй шматграннай плённай дзейнасцю ўмацоўвае незалежную Беларусь.Яго дзядзька — класік беларускай літаратуры Максім Іванавіч Гарэцкі. Яго бацька — Гаўрыла Іванавіч Гарэцкі — адзін з заснавальнікаў Беларускай акадэміі навук, быў абраны акадэмікам якраз у снежні 1928 года, калі ў Мінску (на той час Менску) нарадзіўся яго другі сынок, названы ў гонар правадыра племені радзімічаў, якія жылі ў старажытнасці на ўсходзе нашай краіны. Радзім Гаўрылавіч — аднагодак цяперашняй Нацыянальнай акадэміі навук Беларусі. (Таццяна Якубоўская, Радзім Гарэцкі: вучоны і пісьменнік, фрагмент)