Свабода (Тут і цяпер)

90-годдзе БНР Улады РБ адзначылі Дзень Волі гвалтам і арыштамі Звыш за стозатрыманых, дзясяткі збітых, многія застаюцца ўтурмах. Гэта не вынік хваляванняў у Тыбеце альбо ў Косаўскай Мітравіцы. Гэта вынік сутыкнення органаў правааховы з тымі, хто выйшаў на вуліцы Мінска, каб адзначыць угодкі Беларускай Народнай Рэспублікі, якая паклала пачатак беларускай дзяржаўнасці. Напэўна, улада хацела чарговым разам паказаць апазіцыі яе месца. Калі б людзі ішлі па вуліцах сталіцы, ускладалі кветкі да помнікаў беларускім песнярам і ў мясцінаў, звязаных з гісторыяй БНР – гэта было б занадта прыгожа. Менгарвыканкам не мог гэтага дапусціць, і арганізатарам свята загадалі, як заўжды, ісці ў парк Дружбы народаў. А сабрацца дазволілі ля Акадэміі навук. Лідэры дэмакратычных партый палічылі гэта знявагай і заклікалі людзей збірацца, які было задумана ад пачатку, на плошчы Якуба Коласа. Альтэрнатыўныя варыянты, як заўсёды, нават не разглядаліся. І адбылося тое, чаго трэба было чакаць.